Арсенал најде напаѓач, тргнува по голгетерот на Реал Мадрид

Жозе Мурињо не сака да се откаже од младиот Бразилец, но Арсенал ќе направи сè за да го доведе Ендрик во своите редови, откако Хулијан Алварез и дефинитивно порача дека сака само во Барселона.

Ендрик минатата сезона ја помина на позајмица во Лион, бидејќи тешко доаѓаше до место во стартниот состав на Реал Мадрид покрај Килијан Мбапе и Винисиус Жуниор.

Арсенал во моментов на располагање има двајца напаѓачи, Виктор Ѓокереш и Каи Хаверц, но очигледно во Лондон сакаат дополнително да ја засилат конкуренцијата.

Останува да се види дали „топчиите“ ќе успеат да го убедат Реал Мадрид да се откаже од еден од своите најталентирани млади фудбалери.