Зајков се враќа во А-репрезентацијата откако не доби повик за мартовските баражи
Зајков во март не се најде на списокот зашто не беше во натпреварувачки ритам, најмногу поради фактот што почна војната во Украина, а првенството експресно се прекина и дури подоцна најде нов клуб за да ја продолжи кариерата.
Сега Зајков повторно се враќа во А-селекцијата во која Дарко Велковски и Висар Муслиу се ударниот дефанзивен тандем пред голот на Столе Димитриевски, а Никола Серафимов е третиот стопер кој постојано добива повици, но сѐ уште нема официјално деби. Кире Ристевски е четвртиот стопер кој веќе со години е стандарден на списокот во македонската репрезентација.
Зајков откако дојде во Славија има шест настапи, даде еден гол, но и два автогола и неговиот заем завршува со завршувањето на сезонава, по што тој повторно ќе е член на Ворскла, но засега неговата иднина останува отворена зашто допрва треба да биде познато дали ќе се игра украинското првенство во друга земја, но и дали украинските клубови практично ќе ги ослободат сите странци бидејќи нема најава за крај на војната. Тоа што е сигурно дека Славија нема да се обиде да го задржи Зајков.
Македонија од 2 до 12 јуни ја очекуваат четири пресметки во третата сезона во Лигата на нации, а првиот меч е гостувањето во Бугарија во Разград, а црвено-жолтите ги очекува и два меча со Гибралтар (дома-гости) и еден со Грузија (дома).