Валенсија со еден збор опиша - Столе е нашиот свет! (ВИДЕО)

27 април 2026 - 20:10

Најдобриот македонски голман, Столе Димитриевски, речиси преку ноќ од отпишан резервист прерасна во херој во таборот на Валенсија, откако на последните неколку средби имаше бравурозни одбрани со кои ги „купи“ навивачите на овој тим, а со тоа и стручниот штаб кој конечно реши да му даде поголема шанса.

Нашиот чувар на мрежата беше можеби најзаслужен за последните три бода на „лилјаците“ на домашен терен против Џирона (2-1) со неколку феноменални одбрани, од кои едната беше буквално во последните моменти од мечот. Тој и претходно имаше ситуации во кои чудесно го спаси својот гол, поради што ги „примора“ луѓето од Валенсија да го истакнат преку социјалните мрежи

„Столе е нашиот свет“, напишаа од шпанскиот тим.

Валенсија по 33 кола е на 12. позиција на табелата во Ла Лига со 39 бода, но се уште без сигурен опстанок со оглед што има само четири бода повеќе од Мајорка, која е прва над линијата што носи испаѓање.