Словачка ги декласира македонските надежи во претквалификациите за ЕП

25 октомври 2023 - 16:38

Македонската фудбалска репрезентација до 17 години загуби со убедливи 0-4 во првото коло од квалификацискиот турнир за Европското првенство (ЕП), кој се игра во Малта.

Словачка ја најави победата уште на стартот на натпреварот со голот на Валко, а потоа до крајот на првото полувреме во листата на стрелци се запишаа и Влна и Балог. Конечните 4-0 ги постави Влна во 71. минута.

Претходно во групата 8 голем триумф оствари Шпанија која со 7-0 ја декласира Малта.