Проблеми пред мечот со Шкотска - двајца фудбалери се пожалиле на повреда!

12 ноември 2026 - 19:59

Македонија утре на тешкото гостување кај Шкотска ќе се обиде да стигне до првите бодови во Лигата на нации, а селекторот Гоце Седлоски откри дека има одредени проблеми во составот.

Седлоски посочи дека Димитар Митровски и Езгјан Алиоски се пожалиле на повреди на последниот тренинг.

„Здравствената состојба во репрезентацијата е добра, иако двајца фудбалери се пожалија на повреди на последниот тренинг, а тоа се Димитар Митровски и Езгјан Алиоски. Сепак, мислам дека ќе бидат во ред и ќе можат да настапат со Шкотска“, кажа Седлоски.

Дуелот меѓу Шкотска и Македонија се игра утре од 20.45 часот во Глазгов.