Македонските фудбалерки поразени на гостувањето кај Азербејџан

03 март 2026 - 14:29

Македонската женска фудбалска репрезентација беше поразена од Азербејџан во Баку со 0-2 во првото коло од квалификациите од Лига Ц за пласман на Светското првенство (СП).

Нашата селекција се закани преку Александра Марковска и Симона Мејер во првото полувреме, но шансите не беа искористени, по што Јафарзаде ги казни промашувањата и погоди за 1-0 за домаќинот во 28. минута.

Јафарзаде беше стрелец и на вториот гол за Азербејџан, откако во 78. минута по вторпат ја матира македонската одбрана.

Македонија следниот меч го игра против Андора на 7 март во Битола.