Кадетите на Станојковиќ загубија од врсниците од Романија во првиот тест

25 март 2023 - 19:07

Кадетската селекција на Македонија до 17 години загуби од врсниците од Романија во првиот од двата пријателски мечеви во Скопје, откако Романците триумфираа со 3-2 на тренинг-центарот „Петар Милошевски“.

Максимилијан Димитриевски беше стрелец на двата гола за Македонија, а низа шанси младите македонски фудбалери што ги предводи легендарниот Вујадин Станојковиќ имаа уште низа шанси за подобар резултат, кои не ги искористија, за разлика од романските надежи и нивната подобра реализација за да дојдат до триумфот.

Следниот меч со Романците на оваа генерација е на програмата во понеделник.