Фудбалската репрезентација пристигна во Ереван на најважниот натпревар во Лигата на нации (ФОТО)

11 октомври 2024 - 21:42

Македонската фудбалска репрезентација вечерва пристигна во ерменската престолнина, еден ден откако ја совлада Летонија во Рига, во третото коло од Лигата на нации.

Нашиот национален тим в недела го очекува најважниот натпревар од ова натпреварување бидејќи со евентуален триумф, многу веројатно ќе го освои првото место во својата група. Ни одговара и реми бидејќи во таков случај и една победа во последните два меча, во ноември на домашен терен, исто така ќе завршиме на челната позиција која носи во повисок ранг.

Експедицијата вечерва ќе одмори, а во текот на утрешниот ден ќе има можност да го почувствува теренот на стадионот „Вазген Саргсјан“ во Ереван.