Данска доби засилување пред полуфиналниот бараж со Македонија

25 март 2026 - 17:25

Селекторот на Данска, Брајан Ример соопшти дека добиле засилување за полуфиналниот бараж со Македонија, односно Микел Дамсгард тренирал и е подготвен за настап.

Дамсгард се повреди во натпревар за Брентфорд пред една ипол недела, па многумина го отпишаа од мечот против Македонија, меѓутоа одличниот фудбалер се врати на теренот.

„Микел тренираше денеска и се чувствува одлично. Тој е подготвен за настап против Македонија“, кажа Ример.

Данска ќе ја пречека Македонија утре од 20.45 часот на „Паркен“ во Копенхаген.

Фото: Brentford FC/Facebook