„АС“ избра: Барди еден од десетте најисплатливи трансфери во Ла Лига! (ФОТО)

21 октомври 2017 - 09:00

Македонскиот репрезентативец Енис Барди пред неполни две недели успеа да го постигне својот прв сениорски погодок во дресот на Македонија, во триумфот со Лихтенштјн (4-0) во Струмица само за да продолжи извонредната година во која даде два гола и за младата селекција на историскиот настап на Евро 2017 во Полска, како и бомбастичниот настап во дебитантската сезона во едно од најсилните светски првенства – шпанската Ла Лига.

Барди за многу кратко време од доаѓањето во Леванте од унгарски Ујпешт ги освои срцата на навивачите на клубот од Валенсија, но и на Шпанците и на европските љубители на фудбалот, откако успеа да даде три гола во Ла Лига, од кои два по прекрасни слободни удари. Барди досега даде пет од слободен удар, вклучувајќи ја и предсезоната, па еден од најпрестижните спортски весници на Пиринеите, „АС“ го избра за еден од десетте најисплатливи трансфери во оваа сезона.

Барди во Леванте дојде за 1,5 милиони евра од Ујпешт, а со своите игри уште на стартот ги исплати вложените пари. Не само поради головите, туку и поради борбеноста, настапите, добрите оценки на мечевите во шпанскиот шампионат.

„Барди ги собра пофалбите од многумина за стартот во Ла Лига. Македонскиот фудбалер за врска е еден од новите засилувања кој има многу минути и кој дава голови. Има три гола, два од слободен удар, што е негова специјалност. Тој стана еден од главните адути на Муњоз (тренерот на Леванте – н.з.), а дојде за 1,5 милиони евра од унгарски Ујпешт“, пишува „АС“.

Во изборот на десетмината најисплатливи летни трансфери се и Диего Љоренте од Реал Сосиедад, Кондогбиа од Валенсија, Хесус Навас од Севилја, Макси Гомез од Селта, Стуани од Џирона, Форналс од Вилјареал, Андрес Гуардадо и Федел од Бетис, Куелјар од Леганес,

Барди денеска од 13 часот со Леванте е домаќин на Гетафе во меч од деветтото коло во Ла Лига.