Жирона пред мечот на „Монжуик“ ќе ѝ плати 300.000 евра на Барселона

30 март 2025 - 14:10

Каталонското дерби меѓу Барселона и Жирона е закажано за денеска од 16.15 часот, а клубот на македонскиот фудбалер Бојан Миовски активира необична клаузула.

Жирона има сериозни проблеми со повредени фудбалери, па поради тоа тренерот Мичел побарал од управата да ја активира клаузулата за да може Ориол Ромеу да настапи во мечот.

Ромеу замина во позајмица во Жирона минатото лето, но Барселона во договорот имала клаузула според која тој може да настапи против нив само ако ривалот плати 300.000 евра.

Да потсетиме, Миовски нема да настапи против Барселона затоа што има повреда на коленото.