Винисиус со емотивна порака се збогува од Бензема (ФОТО)

04 јуни 2023 - 16:23

Францускиот голгетер Карим Бензема заминува од Реал Мадрид со 25 освоени титули, откако шпанскиот гигант потврди дека не се договориле за продолжување на соработката со искусниот напаѓач.

Винисиус Жуниор со емотивна порака преку социјалните мрежи се збогува со неговиот досегашен соиграч.

„Бензвини, Винзема, како и да е. Резултатот секогаш беше ист: Голови, насмевка, титули и пред сè - учење. Кога едно младо момче дојде во клубот, беше срамежливо и тивко, а ти беше првиот кој ме пречека во Мадрид. Растев со тебе, ја освоивме Шпанија, Европа и светот. Ќе ми недостигаш многу, ти благодарам за сè“, напиша Винисиус.