Тричковски продолжува да ги тресе мрежите во кипарското првенство

16 февруари 2020 - 17:34

Македонскиот репрезентативец Иван Тричковски се наоѓа во одлична форма, а тоа најдобро го покажа на денешниот меч против Докса, каде му донесе водство на својот тим во 54. минута.

На натпревар од 20. коло во кипарската прва лига, АЕК Ларнака води со 0-1 и е на добар пат да дојде до осмата сезонска победа со која ќе се доближи на еден бод до четвртопласираниот Аполон.

Инаку, ова е седми гол на последните четири меча за Тричковски, а воедно е прв стрелец сезонава во Првата лига на Кипар со 19 погодоци, пет повеќе во однос на дторопласираниот Рајо, од тимот на Анортозис.