Тебас предупредува: Реал Мадрид сака да ѝ наштети на Ла Лига!

15 септември 2025 - 20:28

Шпанскиот гигант Реал Мадрид соопшти дека подготвува детална документација со сите контроверзни ситуации поврзани со судењето во Ла Лига кои биле донесени на нивна штета, по што реагираше и првиот човек на шпанскиот шампионат, Хавиер Тебас.

Тебас не е во најдобри односи со претседателот на „кралевите“, Флорентино Перез уште откако беше најавено создавање на европска Суперлига, а очигледно нема ниту да се смират во брзо време.

„Реал Мадрид се жали на лошото судење? Внимавајте што правите и што ќе кажете затоа што јас мислам дека Реал Мадрид сака само да ја оштети Ла Лига“, кажа Тебас.