Тажен ден во Росарио, Меси скршен од болка на погребот на неговиот татко! (ФОТО)

10 август 2026 - 17:37

Лионел Меси синоќа во родниот Росарио се опрости од својот татко Хорхе кој почина на 68 годишна возраст по болеста со која се бореше во последните месеци.

Семејството и најблиските пријатели се собраа на интимен последен поздрав на гробиштата Ел Прадо, додека пред гробиштата се собраа и бројни обожаватели на Меси за да му пружат поддршка. „Сила, Лео. Те сакаме“, пишуваше на една од пораките оставени на оградата.

Меси на последниот испраќај пристигна дискретно, низ страничниот влез, а фотографиите го прикажуваат сам, со наведната глава и видливо потресен. Покрај него беше сопругата Антонела Рокузо.

Хорхе Меси имаше огромно влијание врз кариерата на својот син и му беше агент во текот на најголемиот дел од неговиот фудбалски пат. На испраќањето се појавија и бројни венци, меѓу кои и оние од Аргентинската фудбалска федерација, репрезентацијата и Њуелс Олд Бојс, клубот што Хорхе посебно го сакаше.

Фотографиите може да ги видите на овој ЛИНК.