Стоечки овации за Андрес Иниеста: Фудбалерот не можеше да ги задржи солзите (ВИДЕО)

Во победата од 5-0 против Севилја во финалето на шпанскиот Куп, тој учествуваше со еден погодок. Тренерот Ернесто Валверде реши да го извади од игра во 88-та минута, а целиот стадион „Ванда Метрополитано“ во Мадрид стана и му даде аплауз на Шпанецот. Иниеста на клупата не можеше да ги задржи емоциите и се расплака. Можете да навивате за било кој клуб, но Андрес Иниеста не можете да не го сакате. Ќе остане запаметен како вистински фудбалски џентлмен и пред сè класа фудбалер.

Од 2001 година до сега Иниеста освои 31 трофеј со Барселона, а оваа колекција ќе се зголеми за плус уште еден, бидејќи шампионската титула во Ла Лига му е на дофат. Досега одигра 668 натпревари за Барселона и постигна 56 голови. На крајот од сезоната заминува во Кина.