Што ќе се случи ако голман добие - син картон?

13 февруари 2024 - 07:20

Во претходните денови беше најавена дисциплинска мерка во светот на фудбалот, а тоа е син картон со кој ќе се исклучуваат играчите на 10 минути поради груб прекршок или несоодветно однесување, меѓутоа оваа идеја предизвика многу реакции на социјалните мрежи.

Доколку судијата покаже син картон, тогаш играчот ќе мора да излезе од теренот, но многумина се прашуваат што ќе се случи ако на голман му биде покажан ваков картон, по што пристигна објаснување дека чуварите на мрежата нема да бидат исклучени од ова правило и ќе важи истото што и за фудбалерите.

Доколку голман добие син картон, ќе мора да излезе од теренот на 10 минути, а тренерот ќе мора да реши дали да стави фудбалер на голот на екипата или да направи замена и да воведе нов чувар на мрежата.