Серија А ги закажа термините на одложените мечеви на Сампдорија и Џенова

17 август 2018 - 17:50

Трагедијата во Џенова за жал го одбележа и стартот во италијанската Серија А, каде беа одложени два натпревари од првото коло.

Италијанската Влада прогласни вонредна состојба во Џенова, каде се сруши мост и загинаа преку 30 лица.

Поради оваа трагедија беа одложени натпреварите на двете калчолигашки екипи од овој град. Сампдорија требаше да ја пречека Фиорентина, а Џенова да му гостува на Милан.

Сега ФС на Италија ги објави новите датуми за овие средби, па така Сампдорија ќе ја пречека Фиорентина на 18 септември во среда, а Џенова ќе му гостува на Милан на 31 октомври.