Сензацијата се вика Нотингем Форест: Петта победа по ред за второ место на табелата (ВИДЕО)

29 декември 2024 - 18:18

Ако пред еден месец некој се сомневаше во резултатите на Нотингем Форест и сметаше дека тие се само сплет на среќни околности, денеска нема причина за такво размислување.

Поранешниот европски шампион славеше на гостувањето кај Евертон со 2-0 за четврта победа во низа и второ место на табелата во Премиер лига иако со натпревар повеќе од Арсенал и Челси. Победата на Нотингем Форест против Евертон доаѓа откако „карамелите“ во претходните три кола извадија нерешени резултати против Арсенал, Челси и Сити, а сите овие три екипи успеаја заедно да му дадат само еден гол на тимот од Ливерпул.

Крис Вуд во 15. минута го отвори резултатот, а конечните 2-0 во 61. минута ги постави Морган Гибс Вајт. Ова е петти триумф по ред за Форест кој последен пат е поразен од шампионот Манчестер Сити на 4 декември.

РЕЗУЛТАТИ
Лестер - Манчестер Сити 0-2
Кристал Палас - Саутемптон 1-0
Евертон - Нотингем Форест 0-2
Фулам - Борнмут 2-2
Тотенхем - Вулверхемптон 2-2