Се појавија првите фотографии од пробата на Нејмар во Реал Мадрид (ФОТО)

Нејмар пред да стане ѕвезда на Барселона, многу лесно можеше да биде фудбалер на Реал Мадрид. 

Во втората епизода од документарната серија за животот на бразилската фудбалска ѕвезда беа објавени моменти од неговата проба во Реал Мадрид, кога имал само 13 години. Нејмар ги воодушевил сите во кралскиот клуб, кој веднаш сакал да го ангажира.

Сепак, неговиот татко прво поставил преголеми услови, а потоа и Сантос успеал да го убеди неговиот татко тој да остане во Бразил. Му подариле стан во близина на тренинг-центарот на Сантос, па Нејмар го потпишал својот прв договор на 13 години.