Роналдињо е воодушевен од Дембеле: Има бразилски стил на игра!

08 април 2025 - 20:58

Легендарниот бразилски фудбалер Роналдињо во разговор за „Л’Екип“ одговори на прашањето од кој фудбалер е најмногу импресиониран оваа сезона.

Роналдињо го избра Осман Дембеле, кој оваа сезона настапи на 40 меча за ПСЖ и постигна 32 гола и осум асистенции.

„Многу ми се допаѓа, има бразилски стил на игра. Често ривалите не можат да предвидат што ќе направи следно и поради тоа постигнува многу голови. Има поинаква улога од тоа што играше во Барселона“, кажа Роналдињо.