Реми во дербито на Лисабон, Спортинг пред титула (ВИДЕО)

10 мај 2025 - 21:29

Бенфика ја пропушти можеби последната шанса да избие на чело на табелата во португалското првенство откако во дербито на сезоната против градскиот ривал Спортинг одигра нерешено (1-1).

Ривалите од Лисабон израмнети влегоа во овој меч, со по 78 бода, но Спортинг славеше со 1-0 во првиот меѓусебен меч и затоа вечерва му одговараше и реми. До крајот на португалското првенство останува уште едно коло и ако Спортинг во него ја победи Виторија Гимараеш, ќе ја одбрани титулата во домашното првенство.

Тринкао го отвори резултатот уште во четвртата минута и ги шокира домашните навивачи и фудбалери, па Бенфика цело прво полувреме не успеа да го најде патот кон противничкиот гол. Дури во 63. минута Актуркоглу израмни и внесе неизвесност во финишот, но до крајот Бенфика не успеа да дојде до победата.

фото: EPA PHOTO