Прв натпревар, прва награда: Трапановски прогласен за играч на мечот!

04 август 2024 - 21:58

Македонскиот интернационалец Кристијан Трапановски денеска дебитираше во шкотската Премиер лига во дресот на Данди Јунајтед и веднаш ги покажа своите квалитети.

Тој е прогласен за играч на натпреварот против Данди и покажа дека настапите од Лига купот не биле случајност и дека се наоѓа во одлична форма на почетокот од сезоната. Трапановски беше и стрелец на првиот гол за својот тим во мечот кој заврши без победник, 2-2.

Заедно со денешниот, Трападона, како што нарекоа навивачите на Данди Јунајтед, веќе има четири гола за својот клуб, вклучувајќи ги и оние од Лига купот.