Повредата на Меси е посериозна отколку што Барселона сака да каже

04 јуни 2020 - 11:34

Лионел Меси се очекува да го пропушти рестартот на сезоната во Ла Лига поради повреда. Барселона вчера информираше дека Аргентинецот го пропуштил тренингот, бидејќи му бил потребен одмор и дека не се работи за некоја посериозна повреда.

Сепак, вистината е дека Меси има повреда на мускулот на десната нога и ќе мора да паузира одредено време. Фудбалерот во вторникот бил на снимање на ногата и утврдена е повредата. Вообичаено за вакви проблеми потребен е одмор од 10 дена, па Меси ќе биде во трка со времето да биде подготвен за дуелот со Мајорка.

Барселона сезоната ја рестартира со дуел на гостински терен на Балеарските острови на 13 јуни.