Пеп им се придружи на легендите Венгер и Фергусон во историјата на Англија

04 јуни 2023 - 09:00

Пеп Гвардиола е несомнено еден од најдобрите тренери на светот, а сезонава веќе освои „двојна круна“ со Манчесер сити, откако вчера на премиерлигашката титула го придодаде и трофејот во ФА-Купот, па со тоа се запиша во најблескавата историја на англискиот фудбал.

За Гвардиола ова е втора „двојна круна“ во Англија, па со тоа им се придружи на легендите Арсен Венгер и на сер Алекс Фергусон, кои повеќе од две децении ги водеа Арсенал односно Манчестер јунајтед и се единствени кои имаат најмалку две двојни круни на Островот.

Гвардиола својата прва „двојна круна“ ја освои во сезоната 2018/19, а оваа сезонава 2022/23 му е втора. Под палката на Пеп, Сити има четири премиерлигашки титули во последните пет години.

Венгер освои две двојни круни со Арсенал во 1997/98 и 2001/02, додека Фергусон стигна до двојни круни во 1993/94, 1995/96 и 1998/99. Пеп сега има шанса да го достигне Фергусон ако ја освои и Лигата на шампионите и дојде до триплета, зашто во историјата на англискиот фудбал Манчестер јунајтед единствен со триплета во сезоната 1998/99.