Oвиедо со пресврт во две минути ја шокираше Валенсија (ВИДЕО)

30 септември 2025 - 21:59

Фудбалерите на Овиедо во одложениот натпревар против Валенсија кој требаше да се одигра вчера славеа победа од 1-2 и тоа со пресврт и два гола во самата завршница.

Валенсија многу рано во една од првите прилики по само четири минути стигна до предност, а стрелаше Данјума.

Во продолжение гостите се консолидираа и се водеше изедначена битка со по некоја прилика на двате страни.

Водството на домашниот состав беше актуелно се до самата завршница, прво Илиќ во 85. минута израмни на 1-1, а потоа и Рондон само една минута подоцна погоди за вистински шок на „Местаља“. Треба да се каже и дека претходно во 75. минута Валенсија преку стрелецот Данјума пропушти голема прилика бидејќи не реализираше пенал.

Овиедо во финишот остана и со фудбалер помалку откако исклучен беше Илиќ во судиското продолжение, но веќе беше предоцна за Валенсија да се врати.

На табелата Валенсија по седум кола останува со осум бода на 12-тата позиција, додека Овиедо е 14-ти со шест бода.

 

Фото: Real Oviedo/X