Ова е љубов кон клубот: 6.500 фанови на германски третолигаш патуваа во Англија за пријателски меч!

25 јули 2026 - 21:21

Навивачите на германскиот третолигаш Ханза Росток денеска покажаа дека за клубот се навива дури и кога се соочува со криза и лоши резултати, откако околу 6.500 фанови патуваа во Англија да навиваат на пријателски меч против Вотфорд.

Вотфорд славеше со 3-0, но тоа не ги разочара и обесхрабри верните навивачи на поранешниот бундеслигаш, па направија вистинско шоу и создадоа атмосфера каква што не се гледа често на трибините кога игра третолигаш.