Нејмар загуби милион евра на покер па се – „скина од смеење“ (ВИДЕО)

29 март 2023 - 22:12

Бразилецот Нејмар подолг период е надвор од тимот на ПСЖ и за него сезоната најверојатно веќе е завршена поради повреда на скочниот зглоб, но тоа не го спречува добро да се забавува и тоа со своето најомилено хоби – играњето покер.

Тој често настапува дури и на професионални турнир, како што беше еден таков минатиот викенд, на кој на брзина загуби – еден милион евра.

Тоа што го привлече вниманието на јавноста беше реакцијата на Нејмар по последното загубено делење, кога прво се преправаше дека плаче за потоа да се „скине од смеење“. Ова доаѓа од фактот што тој во Париз месечно заработува три милиони евра, што значи дека загубеното милионче е идентично како просечен Македонец да загубил 8.000 денари.