Најдобриот спортски директор ја направил грешката на векот во Рома
Станува збор за аргентинскиот репрезентативец Лаутаро Мартинез, напаѓачот на Интер, за кој сега Барселона жестоко се бори да го добие и тоа за троцифрена сума на милиони евра. И што е најтрагично за „волчицата“ во целата приказна е што можеле да го имаат Аргентинецот за само осум милиони евра.
Расинг, од каде Лаутаро дојде во Италија, побарал толку пари, но Мончи сметал дека е премногу за таков играч. Интер шест месеци подоцна го плати трипати повеќе, 25 милиони евра, а Лаутаро до прекинот на сезоната збесна со голови. И нормално го сврте вниманието и кон Барселона.
А, наместо Лаутаро во Рим дојдоа утки како Пасторе, Н'Зонзи, Дефрел, Олсен, Шик... , кои не донесоа ништо посебно, а римјаните имаа тон пари после продажбата на голманот Алисон за тогашен светски рекорд за чувар на мрежата во Ливерпул. Мончи не издржа долго во Рома, иако дојде како најголемо засилување и после фантастична ера во Севилја, па се врати во Андалузија пред повеќе од една година, оставајќи им на римјаните да се „чешаат“ за утката со Лаутаро.