Мурињо може да здивне: Јунајтед со пресврт се спаси од дебакл на „Олд Трафорд“ (ВИДЕО)

06 октомври 2018 - 20:28

Манчестер јунајтед се соочуваше со тежок пораз на домашен терен од Њукасл, но некако на крајот успеаа да ги освојат трите бодови со триумфот од 3-2.

Вистински шок им се случи на „црвените ѓаволи“ по десет минути игра, откако гостите стигнаа до водство од 0-2 преку Кенеди и Муто.

Тоа беше само „искра“ која ги „запали“ навивачите кои почнаа да скандираат за отказ на Жозе Мурињо, а еден камерман се обиде да ја забележи неговата реакција, а на крајот доби само вода во камерата.

Сепак, Мурињо може да здивне бидејќи Хуан Мата, Ентони Марсијал и Алексис Санчез го спасија во последните 20 минути од средбата.

Најпрво Мата намали на 1-2, а шест минути подоцна Марсијал израмни на 2-2. И на крајот, најголемото промашување на клубот Санчез ги постави конечинте 3-2 за прекин на „црната“ серија на „црвените ѓаволи“.