Меси го израмни хет-трик рекордот на Роналдо, но тој на Португалецот и натаму е поимпресивен

10 ноември 2019 - 11:02

Лионел Меси синоќа против Селта уште еднаш покажа дека е еден од најдобрите фудбалери на сите времиња. Барселона победи со 4-1 и тоа благодарение на хет-трикот на Аргентинецот. 

Прво погоди од пенал, а потоа постигна уште два гола директно од слободен удар. За Меси тоа беше 34-ти хет-трик во кариерата во рамки на Ла Лига со што го израмни рекордот на Кристијано Роналдо.

Сепак, рекордот на Португалецот и натаму има поголема вредност, бидејќи до 34-ти хет-трика во шпанското првенство стигна за девет години, за разлика од Меси на кој му требаа 15 години. 

За Меси тоа беше вкупно 52-ри хет-трик во кариерата во сите конкуренции, додека Роналдо има 54.