Maнчестер сити ја крева формата: „Граѓаните“ го прегазија Ипсвич (ВИДЕО)

19 јануари 2025 - 19:23

Фудбалерите на Манчестер сити како полека да го надминуваат оној кризен период, а тоа го покажаа и денеска со убедливата победа од 0-6 над Ипсвич на гостински терен.

Триумфот на „граѓаните“ денеска беше најавен во 27. минута кога во листата на стрелци се запиша Фил Фоден.  Само три минути подоцна Матео Ковачиќ зголеми на 0-2, а до крајот на првиот дел Фоден постигна и втор гол за веќе 0:3.

Во второто полувреме гледавме иста слика на теренот и избраниците на Гвардиола постигнаа уште три гола преку Доку, Халанд и Мекти за конечни 0-6.

Со овој триумф Манчестер сити доаѓа до 38 бода со кои е на четвртата позиција, но е далеку од лидерот Ливерпул кој има 50 бода и натпревар помалку.