„Манчестер сити е во криза, но треба да си луд за да го отпишеш од трката за титула“

07 декември 2023 - 13:09

Манчестер сити вчера загуби на гостувањето кај Астон вила со 0-1, додека Ливерпул славеше против Шефилд јунајтед и го остави ривалот зад себе на табелата, но тренерот Јирген Клоп вели дека сè уште е рано да се мисли за титулата.

Клоп кажа дека „граѓаните“ имаат шест бода негатива за Арсенал, но сè уште се во игра за титулата.

„Мислам дека ќе се води битка за титулата до крај. Манчестер сити е во мала криза, но треба да си луд ако го отпишеш од трка за трофејот. Арсенал е кандидат за пехарот, но никого не би отпишал до самиот крај“, вели Клоп.