Лопетеги конечно се јави по шпекулациите дека заминува од Реал Мадрид

Европскиот шампион игра катастрофално во последно време, па имаат освоено само еден бод на последните четири натпревари во шпанската Ла Лига и тоа најмногу го загрижува раководството на тимот.

Заминувањето на Кристијано Роналдо од Мадрид очигледно направи големи проблеми, а Лопетеги конечно зборуваше за неговата иднина во клубот.

„Гледам на оваа ситуација како и сите останати. Одиме ден по ден и тоа е во наша контрола. Ако сакате да видиме поразен тренер, тогаш нема да го видите тука. Утре ќе влеземе максимално фокусирани на натпреарот и не размислуваме во моментов за ништо друго“, кажа Лопетеги.

Имаше и краток одговор на новинарите на прашањето за неговото можно заминување од тренерската клупа на „кралевите“.

„Тука сум во моментов и не можам да кажам ништо друго. Ќе бидам тренер на Реал Мадрид и утре“, објасни Шпанецот.