Ливерпул за наследникот на Салах ќе плати 200 милиони евра

24 март 2026 - 21:00

Англискиот гигант Ливерпул потврди дека Мохамед Салах заминува од клубот на крајот на сезоната, а веќе почнаа шпекулациите за тоа кој ќе биде неговиот наследник.

Англиските медиуми пишуваат дека раководството на „црвените“ веќе има јасна цел за наредното лето и ќе тргнат со сите сили по потписот на Мајкл Олисе од Баерн Минхен.

Ливерпул нема да штеди пари за трансферот на Олисе, а наводно се подготвени да понудат дури 200 милиони евра за услугите на ѕвездата на Баерн.