Ливерпул за 25 милиони евра пред нос ќе му украде стопер на Реал Мадрид

Љоренте е цел на Клоп за засилување на стоперската позиција покрај неприкосновениот Вирџил Ван Дијк, холандската ѕвезда која беше прогласена за најдобар фудбалер сезонава во Премиерлигата. Матип е најчесто партнер на Ван Дијк, но игра топло-ладно, Гомез може да игра како стопер, но не е на врвно ниво, а тука е и Хрватот Дејан Ловрен, кој не е баш најомилен кај навивачите, потади тоа што знае да одигра врвно и да се „изглупира“ со некој кикс.

Поради тоа Љоренте е прв на списокот, фудбалер кој за Клоп игра доста интелигентно, а патем не е многу скап и чини само 25 милиони евра, за разлика од многу други ѕвезди од дефанзивата кои чинат и до петпати повеќе. За Љоренте, голем интерес има и од Реал Мадрид, сезонава одигра 21 меч, остави многу добар впечаток.

И според најавите „црвените“ ќе победат во трката, па многу веројатно е дека наскоро може и да се реализира трансферот.