Лацио се приклучува во трката по Елмас!

Елмас не се снајде во Бундеслигата, не ја искористи шансата во Лајпциг и сака да замине од таму. Германскиот клуб исто така сака да се ослободи од македонскиот фудбалер и тоа веројатно ќе се случи во јануари.

„Тутомеркато“ објавува дека Лацио е заинтересиран за Елмас, тие го следат нашиот фудбалер и сакаат да го донесат во своите редови.

Лацио е само еден од клубовите каде би можел Елмас да се пресели, покрај нив интерес за нашиот фудбалер има и од Галатасарај, Фенербахче, Наполи...

Големи се шансите во јануари Елмас да замине само на позајмица до крајот на сезоната, а потоа да се бара решение за перманентен трансфер.