Консеисао ќе ги пакува куферите: Милан го избрал неговиот наследник

02 април 2025 - 18:11

Сержо Консеисао го презема Милан пред неколку месеци, но на крајот на сезоната се очекува да го напушти италијанскиот гигант, а „Газета дело Спорт“ открива кој е фаворит да го наследи на кормилото на тимот од „Сан Сиро“.

„Росонерите“ преговарале со Роберто Де Ѕерби, кој во моментов работи во Олимпик Марсеј, но подготвен е да се врати во Италија, односно да потпише со Милан.

Милан има уште две резервни опции, доколку пропаднат преговорите со Де Ѕерби, а наводно станува збор за искусните италијански тренери Масимилијано Алегри и Антонио Конте.

Екипата од Милано во моментов е на деветтото место во Серија А со 47 бодови по 30 одиграни меча.