Кој великан дава најголеми плати? (ФОТО)

13 август 2020 - 09:00

Одамна во светскиот фудбал се вртат огромни суми на пари, па се расфрлаат милиони на трансфери, ѕвездите добиваат ненормални договори за годишни плати, ама ако сте помислиле дека тазе формираните гиганти ПСЖ и Манчестер сити, склопени со арапските петро-долари се најдарежливи за плати – сте се излажале.

Едно истражување покажа дека во просек најголема плата се заработува во Каталонија. Великанот Барселона дава плата во просек од 12 милиони долари, а втор е нивниот најголем ривал Реал Мадрид со просечна плата од – 11,5 милиони „зелени банкноти“.

Веднаш зад овој двоец во Шпанија, следат „арапските клубови“. Во Манчестер сити со газда од Абу Даби има просечна плата од 9,15 милиони долари, додека ПСЖ, кој е на катарски погон дава плата во просек од 8,8 милиони „зелени банкноти“.

Меѓу десетте клубови каде платата не е помала од шест милиони долари годишно, нема ниту еден клуб кој не е дел од „лига петка“, каде се вртат најголем дел од парите во фудбалот, што и не е изненадување, зашто финансиските извештаи покажуваат удел од над 75 отсто во севкупните приходи од фудбалот на европско ниво.