Ние го имаме Фитиљот, Германците - Гидсел: Нестварен број голови даде Данецот против Порто!

08 октомври 2026 - 21:50

Ракометарите на Фуксе Берлин се вратија на победничките патеки во Лигата на шампионите по шокантниот домашен пораз од Веспрем и вечерва го совладаа Порто, а најзаслужен за тоа е неверојатниот Матијас Гидсел.

Најдобриот ракометар во светот одигра натпревар за паметење во ракометната елита и го наполни голот на Порто со дури 17 гола. Одбраната на португалскиот состав едноставно вечерва немаше решени за фантастичниот Данец.

Гидсел практично сам постигна речиси половина од головите на својот тим и така само го потврди својот квалитет.

Овие 17 гола на Гидсел доаѓаат само два дена по 15-те на Филип Кузмановски во ремито на Пелистер во Полска против Вибжеже Гдањск во Европската лига. 

Настапот на Кузмановски го истакнаа и од ЕЛ каде што ги објавија сите негови погодоци со натпис „МВП издание“.