Кејн има клаузула во договорот која му дозволува да се врати во Англија!?

23 септември 2025 - 15:56

Англискиот напаѓач Хари Кејн има договор на уште две години со Баерн Минхен, но идејата за враќање во Премиер лигата сè уште е активна во медиумите.

Капитенот на Англија има клаузула во договорот според која би можел да се врати во Премиер лигата доколку некој тим понуди 67 милиони евра за неговиот потпис.

„Среќен сум во Минхен. Уживам во Баерн. Мислам дека никогаш не може да знаеме што нè очекува во фудбалот, но засега сум среќен во Германија. Моето семејство одлично се прилагоди, моите деца уживаат во училиште“, вели Кејн.