Карвахал контра Анчелоти: Беше чист офсајд, не треба да се сомневаме во технологијата!

21 март 2023 - 18:57

По дербито со Барселона, Карло Анчелоти се сомневаше во одлуката на ВАР дека погодокот на Асенсио е офсајд, но неговиот играч, Дани Карвахал има поинакво мислење.

Дефанзивецот на Реал Мадрид, вели дека тоа било чист офсајд и одлуката мора да се прифати, не смее да има сомнеж кога одлучува технологијата.

„Ние мора да се посветиме на играта и да даваме се од себе. Во неделата беше досуден офсајд затоа што беше офсајд. Треба да ја прифатиме одлуката и никогаш да не се сомневаме во технологијата“, вели Карвахал.

Анчелоти по мечот изрази сомнеж во исправноста на одлуката, сметаше дека линиите можеби не биле правилно нацртани.