Јунајтед веднаш им се врати на победите, Шешко му пресуди на Евертон! (ВИДЕО)

23 февруари 2026 - 22:55

Момците на Мајкл Карик не дозволија ремито со Вест Хем да им влијае негативно, денеска тие во меч од Премиер лигата го победија Евертон на негов терен со 1-0.

Откако Карик го презеде кормилото, врза четири победи по ред, по што следуваше реми со Вест Хем. Некои мислеа дека ова е наговестување на крајот на медениот месец за новиот тренер, но црвените ѓаволи веднаш им се вратија на победите.

Манчестер Јунајтед денеска беше подобар тим од Евертон и успеа да дојде до трите бодови.

Но, Евертон долго време го држеше почетниот резултат. Карик во 58. минута во игра го стави Бенјамин Шешко, а Словенецот во 71. минута постигна гол по асистенција од Мбуемо за водство од 1-0. Што на крајот беше и конечен резултат.