Во Црвена звезда веруваат: Костов ќе биде рекорден трансфер во српскиот фудбал!

Несудениот македонски репрезентативец, Василије Костов нема ни 18 години, а веќе се промовира во многу важен играч на Црвена звезда. Во дербито против Партизан даде гол, а имаше и асистенција.

„Костов игра најдобар фудбал од играчите на негова возраст, не знам во последните колку години, можеби од Дејан Станковиќ. Тој како 17-годишник реши многу важни натпревари. Точно е дека е бонус играч, но по квалитетот тоа не се чувствува, како и да е во мометов е во фаза на развој“, вели Мркела.

„Постигна девет првенствени голови, седум асистенции, како играч од средниот ред учетвува многу и во фазата на одбрана и во фазата на напад. Неговите бројки се фантастични и верувам дека тој ќе биде нов рекорден трансфер во нашиот фудбал“.