Јунајтед сака да му го даде Рашфорд на Наполи за да го добие Осимен!

03 јануари 2025 - 10:46

Манчестер јунајтед крои планови како да се ослободи од Маркус Рашфорд во јануарскиот преоден рок, англискиот клуб сака да донесе нов напаѓач, а една од поголемите желби е Виктор Осимен.

Осимен е играч на Наполи, но во моментов настапува на позајмица во Галатасарај.

Рашфрод брзо влезе во лош однос со новиот тренер Аморим и се чини дека Англичанецот нема иднина во Манчестер јунајтед и конечно ќе го напушти Олд Трафорд.

Тој одбил неколку понуди од Саудиска Арабија, не сака ниту преселба во Турција, сака да игра во гигант од најдобрите лиги.

Наполи веќе пазаруваше од Манчестер јунајтед, го донесе Скот Мектоминеј кој одлично се вклопи во тимот на Антонио Конте.

Ако падне договор за реализација на размена Рашфорд за Осимен, Манчестер јунајтед сигурно ќе треба и да доплати неколку милиони бидејќи вредноста на Нигериецот е поголема.