Јаховиќ успешно опериран: Се враќа на тренинг за две недели
Македонскиот интернационалец денеска беше на операција на лицето и според информациите таа минала успешно и без компликации. Јаховиќ би требало да се врати на тренинг на Анталијаспор за околу две недели, а неговиот кам-бек на терените се очекува за четири до шест недели.
Јаховиќ од 2016 година е во турскиот фудбал, а прво играше за Гецтепе, потоа една сезона играше за Коњаспор. Сезонава ја почна во дресот на Малатијаспор, а во јануарскиот преоден рок се пресели во Анталија.