Инзаги одлучи - си оди од Интер!

03 јуни 2025 - 17:47

По четири години на клупата, Симоне Инзаги ќе го напушти Интер, соопштија денеска италијанските медиуми.

Попладнево тој имаше состанок со најтесното раководство на клубот на кој ги известил челниците дека ќе ја прифати понудата од саудискиот Ал Хилал. Промоцијата во новиот клуб може да се очекува многу скоро затоа што Ал Хилал ќе учествува на претстојното Светско клупско првенство каде првиот меч го има на 18 јуни против Реал Мадрид.

Информациите од Италија велат дека Инзаги во Ал Хилал ќе заработува годишно по 30 милиони евра.