Хаос во Јунајтед: Тен Хаг открива тајни од клубот, челниците му се лутат

Врв на се е признанието на менаџментот дека претходните недели преговарало со други тренери, но „дошло до заклучок дека Тен Хаг е најдобар за клубот“. Ова, холандскиот стручњак го откри јавно, на телевизијата НОС каде е стручен коментатор на Европското првенство.

Тоа ги изнервирало ко-сопственикот на Јунајтед, Џим Ретклиф и неговиот асистент Дејв Брејлсфорд кои сега му се лути на Тен Хаг. Сепак, Алан Ширер смета дека вината не е кај менаџерот, туку кај раководството.

„Каков хаос е тоа, не знам како е можно луѓето од клубот да отидат кај него на Ибица и да му кажат дека преговарале со други тренери. Тоа е бизарна ситуација, не се прави така во фудбалот“, смета Ширер.

Тен Хаг уште не потпишал нов договор со Јунајтед, но веројатно тоа е готова работа бидејќи сега и менаџментот на клубот нема голем простор за маневар, евентуално да најде нов тренер.