Гвардиола удри по навивачите на Јунајтед: Немаат класа и треба да се засрамат (ВИДЕО)

07 април 2025 - 09:41

Вчерашното градско дерби помеѓу Манчестер Јунајтед и Манчестер Сити на „Олд Трафорд“ заврши без погодоци и без ништо важно за неутралните љубители на фудбалот, но атмосферата на трибините останува тема на дискусија поради несоодветното однесување на дел од домашната публика.

Во отсуство на возбудлив натпревар и голови, вниманието се пренасочи кон инцидентите од трибините, каде што навивачите на Јунајтед се истакнаа со навреди насочени кон гостинскиот фудбалер, Фил Фоден. Некои од нив отидоа дотаму што во навредите ја вклучија и мајката на англискиот репрезентативец, што предизвика остри реакции. Менаџерот на Манчестер Сити, Пеп Гвардиола, не остана рамнодушен на случувањата.

На прес-конференцијата по натпреварот, тој ги осуди коментарите како срамни и неприфатливи.

„Тоа не е прашање за Манчестер Јунајтед како клуб, туку за тие индивидуите кои беа на трибините. Ваквото однесување покажува недостиг на класа и интегритет. Не можам да разберам како некој може да вклучи мајка во ваква ситуација. Ова е недозволиво и треба да предизвика срам кај тие што го кажале“, изјави Гвардиола.

Тој додаде дека ваквите инциденти не се единствени за англискиот фудбал и дека слично се случува и на други стадиони низ светот.

ФОТО: EPA PHOTO