Голманот Овоно доби максимална казна по трагедијата во Шпанија!

14 ноември 2026 - 07:20

Голманот на фудбалскиот клуб Андора, Хесус Овоно, е суспендиран на 12 натпревари по трагичниот инцидент на дуелот против Тенерифе, во кој животот го загуби напаѓачот Хесус де Мигел.

Шпанската дисциплинска комисија му изрече максималната можна казна за прекршокот опишан во судискиот извештај, каде што е запишано дека Овоно употребил прекумерна сила во спорниот дуел, поради што му беше изречена највисоката суспензија предвидена за ваков прекршок.

Де Мигел беше пренесен во болница, каде што почина следниот ден, на 30-годишна возраст. Трагедијата предизвика голем потрес во шпанскиот фудбал, а случајот го истражуваат и надлежните полициски органи.

По трагедијата, Овоно се повлече од јавноста и преку соопштение изрази сочувство до семејството на починатиот фудбалер.

Фото: Facebook/FC Andorra